قصيده محمد بن عوض الشمردل الخالدي مهداه الى بني عمي .

جابر الضويحي قصيدة محمد بن عوض الشمردل الخالدي مهداه الى بني عمي
بني خالد...

بسم الولي نبدا بخير البدايات
من قدرته قامت عظاماً رميمة

رب البشر منزل علينا الرسالات
وأهل الصنم بحدود مكه مقيمة

أرسل نبيه في عظيم البشارات
بشرّ وحذّر من عذاب وجحيمة

يالله يالمعبود رب البريات
تغفر لنا كل ذنب وظليمة

من أقصى شمال المملكه بالقريات
أرسل مراسيل النوايا السليمة

أرسل من اشواق الخوالد تحيات
بعداد مابالمزن غيمه وغيمة

حكام ربعي في براهين وثبات
يوم الحباري وسط عيشه كريمة

اسأل وتلقى للعريعر دلالات
تلقى الخبر فيه القوافي عليمة

وابن عريعر من صناديد سادات
دخيلهم مافيه أحداً يضيمة

أنتم لها يوم الأتراك باشات
واللي تمرد حط بثمه شكيمة

خيل الخوالد يوم تقبل قويات
مثل الوحوش الهايجه والعديمة

الخالدي لاقام جاب الطويلات
هذا طموح قريش يوم العزيمة

يوم الوغى من يوم عصر الجهالات
كم فارسٍ يذوق طعم الهزيمة

ومن يومها وسط المعارك بطولات
ربعي لهم بالجوف معنى وقيمة

تاريخنا من فوق نجم المجرات
مثل القمر بين الليالي العتيمة

واليوم في سلم الليالي سلامات
وعند أخو نوره جعل ربي يديمة

يابو شمردل والفظائل كثيرات
ذي لابتي والنعم طيب وغنيمة

ياما خذينا من جميل الجمالات
بوضح النقى بالليل وإلا جهيمة

للدندني حلو المعاني والابيات
شيخ المطر أهل الزعامه قديمة

وأنتم يابو دايس حمول الثقيلات
تاج وفخر مابين عزه وشيمة

من نقوة فحول وسلايل أصيلات
تاريخ ربعي بالعلوم العظيمة

أهل المطر يوم العطايا شحيحات
نيرانهم للضيف دايم شعيمة

في كل ميدانٍ لنا فيه رايات
حنا لنا بالطيب داراً وخيمة

مورث جدي من اعوامٍ قديمات
عرق الوفا اللي نابعٍ من صميمه

نحرص على الخوه على كل الأوقات
وإلا الردي لا راح نعلن وليمة

يابو شمردل قلهم حاسدي مات
في مدح ربعي ماأقترفت الجريمة

هذا الصحيح أهل الفعول الكثيرات
لقيت بالعالم جحود وظليمة

من كثر مانالوا من الطيب جولات
عكف الشوارب غار واطلق حريمة

والي شكى من جرح خله ولابات
نرضيه في عشقه لعبله وريمه

من أول ايام المحبه مرارات
اللي عشق تبقى حياته سقيمة

وأنا خذاني في هوى الشوق هبات
اللي خذا من غاب عنه نديمة

أدق في صمت المشاعر علامات
ليا شتد في برد الليالي نسيمة

سيف الهواء مسلول من ماضيٍ فات
والصبر ينهش مثل سم الهشيمة

حنا خوالد من لفانا بصولات
حنا هل الحيزا ذرا من يضيمة

يصير له في تالي الغربه شتات
والوصل بأوساط الجماعه غنيمة

حنا من اسباب الوصل والمسرات
وحنا عزاوي دمع عينٍ اليتيمة

حنا لنا بالوسم عزه وهيبات
وحنا دوا أهل القلوب الرحيمة

حنا الخطوط الحمر من روس جاهات
مدحور من كنا ترانا خصيمة

حنا الصقور الجارحه كل الأوقات
والذيب يعوي ثم يلقى نعيمة

وختامها صلوا بالأضعاف مرات
على الذي حرم علينا النميمة