قصيده مُهداه للشيخ فهد بن عبدالله الهندي الخالدي وإخوانه.

دهام الخالدي. هذي القصيدة إهداء إلى الشيخ / فهد بن عبدالله الهندي الخالدي وإخوانه بمناسبة مشاركته في مزاين الملك عبدالعزيز بتلاد المجاهيم.


وش عاد لا راحت مفاريد وتلاد
وانتم مقادم عز من وقت جدك

لو الذي فايت بها اليوم ينعاد
فالك ترى الأول ولا حدٍ يندك

نوماس طيبك خازمٍ كل نقاد
سقها يابن هندي ولا حدٍ يضدك

في عين ربعك لك تواريخ وأمجاد
كل العرب تشهد بطولات يدك

ماهمنا تصويت حايف بلا احياد
مادامنا فوق السحايب نعدك

فهد سليل المجد للنار وقاد
يشعم لظاها من سعرها تحدك

مجالسه للظيف صادر و وراد
مادونها بابٍ مسكر يردك

فهد فهد في كفه الصعب ينقاد
ويالي تشكك قابله كان ودك

سلم على اخوانه عددصوت رعاد
أهل المواقف في زمانك لهدك

الكل منهم في زمانه وقد ساد
رجال منهم في اللوازم يسدك


الشاعر / حسن بن فهد آل طلحاب العقيلي الخالدي. 1439/4/28
سناب / hfmtk