ليلة البارح #جديد تيسير الدرعان.

جابر الضويحي جديد ليلة البارح


والله الا طارين لي ماطرالي براس طود
قلت اغني عل بعض الناس يوحي ويش ابي

كل مانسنس براس الجال ذعذاعا ونود
جيت يمه كنه اللي تلني من منكبي

ثم صدر لي هجوسي ورده مني ورود
وياصحايف جاك علمي من قصيدي واكتبي

جيت بالاول اغني لين جاوزت الحدود
وصرت بالتالي اردد ويش مخلاف تعبي


قالوا الدنيا مراحل منزل/ وموتر /وذود
وبنت لا زادت همومك قلت يابنت العبي

وجنتن خضراء شمال الدار تملاها ورود
من نخيل ومن فواكه كل جوزن يعربي

وطرش الذود الحماد ورد عود للنفود
والحلال ادراه بيدك لايجيه الاجنبي

قلت ياقلبي متاع الارض قافيه الحود
خل عنك زخرف الدنيا وملهات الغبي

والله الا كل ماقالوه مايسوى السجود
ولا يساوي كلمتين وارداتن من *نبي*

الحياه اسمى واعظم ماتكرس للنقود
من يقول الهرج غيرالهرج يخسى ويهبي

شق تمره قد ينجي من عذاب ومن وقود
و السلامه من عذاب النار هذا ماطلبي

والحياه بلا عباده مثل مسراح القرود
دونها ماعاد تكمل فرحة ايام الصبي

لو يعيش ايام نوح وصحته من قوم هود
قافي الدنيا مراره تلزمه يحبي حبي

كل ساعات البنادم مابها نقصن وزود
اخرتها في قماش لقاعة ارضه يسحبي

وسكرو لحده عليه وحكم الطين السدود
ما نفع لو قال جاهي وذاك مالي وذهبي

كلها تفنى ويفنى من جمعها ولا يعود
مايعود بخير يمه غير صافي المشربي

من ترك له فعل صالح له عهود وله شهود
يقبل بخيره عليه ..ولصغاير يذهبي

من تركله ضلع طيب لا ذكر بيه يجود
من رحل بيه وهو بالخير فوقه يسكبي

تدري خير العمر هذا لابغيت اللي يسود
ذكرك *محمد نبيك* ..فجر يوم ومفربي

والصلاه اختام بإسمه نفعنا يوم الحشود
حشد يذهل للعقول بيوم صعبا مرعبي

#تيسير_الدرعان.

1439/3/4