ما اجمل :للشاعر : خالد بن علي بن سعيد الخالد الخالدي

 مـا اجـمل أمـن الـورد الا حـلاتك
الـعـطر عـطـرك والـطـبيعه تـذرّيك
يا لـعـنـبو مـن لامـني فـي غـلاتك
وانـت الـغـلا نـفسه يـحبك ويغليك
ومـا اجـمل أمن زعلك الا شتاتك
لاقـلت لك وشفيك وجاوبت وشفيك
والـدمـعـه ابـعينك تـوضح خـفاتك
وتهـلـهـا لامـن مـسـكتك بـاياديك
وما اجمل أمن رضاك الا أمنياتك
آلـيـا تمنيت " احظنك ما أخليك "
والـوقت يـمضي بـين قـرّب وهاتك
وإياك تزعلني وانا ميت( ن ) فيك
كل يـوم احبك لان هذي سِماتـك
ناهيك عـن حسنك وزينك وخافيك
لـك عيـن خـمـريه تـبـرر سـكـاتـك
وتقول كل اللي على البال يـاتـيك
والـتوت لـونه مـأخذه مـن شـفاتك
والـطعم مـا ياصل لجودة معاليك
وشـعرك ليا مـن شلت عـنه غطاتك
حتا الفرس في شعرها مَ تِجاريك
وجسمك يكمل باقي احلا صفاتك
به خصر(ن) نحيّف يبين خـوافـيك
واقـواس مـاتـسـتر عـليها عـبـاتك
لاقـفيت بـانت واستزانت خطاويك
وش عاد ابي مادامني في حياتك
اكثر من اني في حياتك واحاكيك.


خالد بن علي بن سعيد الخالدي