طبطوب /الشاعر حمد الدليهي

دهام الرطبي طبطوب /الشاعر حمد الدليهي


الضيف ماهو شيخ ومعزبه طوب
وانا حضرت مجاملٍ للعزيمه
مرغوب والا صرت مانيب مرغوب
لي عند صافين النوايا حشيمه
والا انت ياطبطوب وعيال طبطوب
كولوا هوى وقشاش ريف الخريمه
مافيكم اللي عند الاجواد محسوب
هياكلٍ من دون مبدا وقيمه
مقدامكم فيما مضى كان مغلوب
واليوم شوره في سواعد حليمه
في صوب طبعه والمواجيب في صوب
يشيل ختمه والاوامر عقيمه
وذنوب من خلفه وقدامه ذنوب
له سيرةٍ بالوقت ماهي سليمه
معروف عند الناس مايقضي النوب
متساويٍ قدره وقدر البهيمه
واللي يجهز ضدي العلم مقلوب
بدري عليه وفال مثله هزيمه
ماعاش راسه دام لي راس معصوب
قبل الجديده والبيوت القديمه
شاعر ولاني شاعر سناب وقروب
ولا احيي اصبوحه وسهرات خيمه
امثل الدوله على افراح وحروب
شاعر قبيلة مجد حزم وعزيمه
خوالدٍ من قبل حكام وشعوب
قبل الجبيل ونفط ساحل رحيمه
تاريخنا ماهو على الزيف مكتوب
لو راح تبقى هيبته مستديمه
ماهو على مزاين مجاهيم ماهوب
ولا على الشيلات في فوز ريمه
تخضع لنا روس وغصب ترجف قلوب
نعطي على صيد الحباري قسيمه
والا انت ياطبطوب وعيال طبطوب
كولوا هوى وقشاش ريف الخريمه
رابط الفيديو على قناة بني خالد الرسمية
https://youtu.be/NvBCaCPsAjk

حمد الدليهي
انستقرام
hamadsaad8808

سناب
saaad_5577


تويتر
aldleahy