#سهيل بيّن ياهل الذود و الطير / #الشاعر خالد الدليهي

دهام الرطبي #سهيل بيّن ياهل الذود و الطير / #الشاعر خالد الدليهي
رابط الفيديو
https://youtu.be/D4sfRVw6Amo
سهيل بيّن ياهل الذود و الطير
ومن عقبها ذعذع براد الصفاري

والماء برّد بحساب في جمت البير
وطير المدقي بيّن و له مواري

هدو مقيض اطيوركم ياصقاقير
وادعو عديمٍ لبرق الريش ضاري

وياراعي البل زملكم له تهادير
يضرس وهايج قافل البطن عاري

على العشاير فكو الزمل بالخير
زان الضراب الصبح والا العصاري

والضيقه اللي وقتها حروت اعصير
ماعاد. تفجعنى ولا له طواري

وطاري البدو بعلومهم والمخابير
افلان باع اليوم وافلان شاري

نشفق عليهم لا لفونا مسايير
وعند اللوازم فالمراجل اتماري

وانحمد الله زان وقت المضاهير
مغباش عقب الفجر والا مساري

تجهزو ياربعنى يالمناعير
وخلو البلد للي حياته عزاري

هذي طرات العمر لو هي مقادير
والعمر فاني واكثر الناس داري

والبر شوفه غير وادواجته غير
خصٍ ليا ذعذع براد الصفاري

خالد الدليهي ..