#عنك الشاعر/محمد بن اشويش الخالدي

دهام الرطبي #عنك الشاعر/محمد بن اشويش الخالدي
رابط الفيديو

https://youtu.be/AcsDgnB9aLQ

القى هذه القصيده في حفل ملتقى عنك السنوي ١٤٣٧-٢٠١٦ في مشاركة عدد من الشعار والنجوم من قبائل مختلفه. وبداء الشاعر بهذه القصيده ترحيبيه بهم نيابتاً عن اهل عنك و قبيلة بني خالد.


الشكر للواحد المعبود رب الأنام
اللي يحاسب عباده كلن ونيّته

سلام مني على الجمهور قبل الكلام
من قلب وافي وشوفتكم حياويّته

من عقبها ياهجوس الشعر شد الحزام
وعطني من افكارك اللي ماهي بميّته

مدامني حي يا شعري عداك الملام
ولا مت يبقى ولا تفنى صلاحيّته

يا هامة المجد فزّي والهمام الهمام
لعيون جمهورنا دوٌنت قافيّته

يا مرحبا فيك يالمري سلالات يام
اعداد ما غردت فالدوح قمريّته

واثني التحية على قحطان راس السنام
ابنا مضيم ارتقو فالمجد عاليّته

وسلام مني عليكم يالدواسر سلام
اعداد ما هل مزناً حل وسميّته

حضوركم له مع الأبداع دور ونظام
انقول يا مرحبا كلن وشعبيّته

وباقي القبايل لها التقدير والأحترام
نفرح بمن زارنا وصدورنا حيّته

في ديرتا من لفها ملتجي ما يضام
والضيف يلقا الشحم والطيب في جيّته

ديرة هل المجد والوقفه نهار العسام
حكّام يوم العرب كلن ومحميّته

سلالة ابن الوليد اللي يدك الخصام
سيف الله اللي توطّا الروم في هيّته

(عنك) تاج الفخر منصا الرجال الكرام
من قبل لا يصدر الرجال تبعيّته

واليوم في ظل دولتنا نعيم وسلام
في ظل شيخ البلاد وفي حمى فيّته

الحاكم اللي جمعها من جنوباً وشام
وحّد بلاد العرب والدين ماريّته

ابوفهد سيدي وابن المليك الأمام
تفرق على باقي الحكّام شخصيّته

ويالجنة المحتفل شكراً على الأهتمام
طورتو الملتقى شكله ونوعيّته

جهودكم بيّنه تسعون للألتحام
واهدافكم واضحه مافهين مبيّته

شعاركم كلنا واحد بدون انقسام
اخوان نخدم شباب عنك واهليّته

تمت وطاب الكلام وقبل مسك الختام
ازكى صلاةٍ على الهادي ختاميّته

الشاعر/محمد بن اشويش الخالدي
Twitter : @a1776s
Instgram : @binshuwaysh
Snap: malkhaldi1