( طاحت عزومي ) رابط الفيديو https://youtu.be/uJCOHE_M9Nw اي والله يايوسف هذا الزين نبغيه أما غصب والا بحب الخشومي

دهام الخالدي ( طاحت عزومي )
رابط الفيديو https://youtu.be/uJCOHE_M9Nw
اي والله يايوسف هذا الزين نبغيه
أما غصب والا بحب الخشومي

من بين كل الخلق يا يوسف اشريه
على النقاء و الطيب هذي علومي

والا الردى جنبت من هو مشى فيه
وعن الردى نفسي تعف وتشومي

غير دروبه وأخلف اليوم ماضيه
وصارت ليالي عشقنا ك الحلومي

عينه تخطف قلوب كل من نظر فيه
وباسباب عينه صار قلبي محكومي

و رمشه يبنج صيدته قبل يرميه
و من صابه سهومه حشا ما يقومي

وله مبسمٍ لو صاده النحل يكفيه
عن الزهر والورد ماله لزومي

وجديله اللي فوق متنه محليه
اسود مثل ليلٍ خلي النجومي

كثرة وصوف الزين ولا اقدر احصيه
وأنا اشهد أن الزين ماهو رحومي

يسل حال الحي ويجيب تاليه
تقول كني طول عامي اصومي

ما غير همي كيف حاله ووش فيه
عساه طيب رايق البال دومي

اسمع صدى صوته وأنا ماني بفيه
اترك لذيذ الزاد وأعاف نومي

وش حيلتي لاصرت ماني بناسيه
وشلون ابنسى حلم عيا يزومي

وبنات فكري كل ابوها تحاكيه
وليا سمعت ذكره تشن الهجومي

بسمعه بيتٍ يعجبه ويحييه
بيتٍ مخصص له ولا هو عمومي

هو الذي لاجابوا الناس طاريه
كني بجبهة حرب طاحت عزومي

الله من شر المخاليق يحميه
ويقسم له الله من خيار القسومي

#خالد_بن_نهار
@alkhaldi_kn