عز نفس وجمالات : الشاعر محمد بن نايف الخطيمي الخالدي

 
(( عز نفس .... وجمالات ))


عندي أمل منفي .. ولمحة / حكايات
وعندي فتات من ابتسامه .. قديمه

وعندي غطى الذكرى وبرد المرآيات
وعندي ملامح من عناها .. سقيمه

شمعة الم تنزف دموع ... اعترافات
وموقد حطب يستجدي احلام ديمه

مافات مات .... ولا تعديت الاموات
ارعى بِظَلامٍ حيل .. قاسي عتيمه !!

هذي ملامح تدوي بصمت الاصوات
وهذا صداها عف .. حشمه وشيمه

في منتهى القسوه تبات ... الخيالات
بأحلامها ... وتبقى العلاقه حميمه

مبني عليها من المواجع .... خرآفات
واوهامها .. منها العواقب // وخيمه

صبرٍ جميل .. وعز نفس .. وجمالات
ومدت كريم ..... وجل فزعه شكيمه !!

وهدت وفى لاصار للموقف اثبات
وكل الآسف .. دون الخطا والظليمه

مبداي ... ي بيض الورق والكتابات
خلى الحبر .. مثل الذهب فيه قيمه

صرخة ضمير ولا هي ( ذلة .. تلّفات )
ووقفة شجاع ان طاح ي قو خصيمه


قطرات ماتسقي جفاف المسافات
على يباس الحول رجواي ..... غيمه !!!


محمد نايف الخطيمي ....