#مشاركة في عيد القصيم #الشاعر ابراهيم المهنا #الخالدي المزيد http://bani-khaled.com/r/10505

الشاعر (الا هبي بصحنك فاصبحينا
ولا تبقي جموع المغرضينا ولا تبقي من الانذال واحد
واذا عاشوا عسانا ما حيينا
تعالي يا هبايب نجد هبي
على ذعذاعك السكرةْ تجينا
على بيداك سطرنا الملاحم
لنا التاريخ يشهد لا حكينا
ورى معزّي تكاتفنا وسرنا
هل العوجا تناخوا وانتخينا
وتنادوا كل صبيان الجزيرة
من اقصى شامها لين اليمينا
رحمك الله يا عودٍ جمعنا
وسدنا فوقها دنيا ودينا
سعوديين لا قلنا فعلنا
هجادٍ يودع المخطي طحينا
سعوديين وانعم في رضانا
وحذرا حلمنا يغريك فينا
ترى الغلطه تجينا ثم نسكت
ونبلعها ولكن ما نسينا
ندور لك عذر ونقول زلٌه
واذا كررتها جيناك جينا
نتوبك الخطا يالين تقنع
وتدري ما بليناك ابتلينا
ونشوم عن الكلام اللي مهجّن
كلامٍ فيه من فارس رطينا
ليا عج الفضا بذناب فارس
نحط بذيك طين وذي عجينا
سعوديين حن ريف المخاوي
من اللي مثلنا لامن عطينا
على الحد الجنوبي كسر شوكه
وبحجاز الفخر خدام دينا
سلام الله يا فيصل سلامٍ
يفيض من الولا والسمع فينا
ولاءٍ ما يساوم او يخاير
ولاء المسلمين المؤمنينا
يفاخر بك قصيم الخير حتى
نماري بك على شتى مدينا
نحبك يا معلمنا التواضع
لأنك خير ما استُؤجر أمينا
ننام بخير وأمان ومحبه
وتبقون لرضانا ساهرينا
عسى عيدك يعيد بكل فرحه
وقصيم الخير عزٍ ما يلينا
ترى القصمان هم حربة يمينك
ليا شانت وجيه المبغضينا
وترانا درع جنب وراس مالٍ
قبايل مع حضر مدت يدينا
لسلمان الحزم قمنا نلّوح
هلا ياسيدي بامرك مشينا
توكل من وراك الشعب واقدح
على صوتك نلبي قادحينا
لو تعرّض بنا البحر ارتكينا
ترانا ما نكلّ ولا نلينا
نعيش بضلك بعز وطناخة
وتشبعنا يدينا لا كلينا
ولمحمد ولد سلمان طاعه
ولي العهد ربان السفينا
بك الامال بعد الله تعقد
وسمينا يا محمد بك سمينا
وابختمها وابستأذن سموك
عشان اللي لاجل فعله بكينا
انا ابرفع عقالي لاجل واحد
تفدانا بروحه من سنينا
محمد يا ولد نايف ترانا
تروح وفعل كفك ما نسينا

ابراهيم المهنا الجبري الجناحي