قصيدة مدح في الشاعر : سالم الباسط الخالدي

 جعل يسقي السيل نوماس الشمال
مجلس (نـ) جامع نواميس وفخر

يدهلونه من صناديد الرجال
عند راعي الجود كساب الظفر

سالم الباسط واذا جالي مجال
حاضرن من دونه بحال وشعر

جعل يبطي حي وايامه طوال
اشهد انه للكرم في وثمر

ضارين مبطي على جزل الافعال
غيث هقواته وكفينه نهر

من بني خالد مرويت السلال
لابتن تارد على الموت الحمر

بالمواقف مثل هامات الجبال
الخوالد للخوي عون وذخر

روسهم لادندنت روس العيال
تطبخ بالمرجله عز وسطر

وسالم اللي واطين خشم الريال
يوم حط الذود وارها بالعفر

كل وضحى خشمها فيه انميال
راهية خرطوم مفهوقة ظهر

روسها مثل البواريج الثقال
والنحور الشرح بوابة قصر

لادعاها الصوت ياتيها اجتوال
مثل طلع النور من بعد الفجر

نقوة اللي بالمواقف راس مال
عندنا بالطيب له شان وقدر

ابن عم وصاحب ومابه جدال
حاضرن في لازمه سر وجهر

الشاعر فهد بن دعيرم الخالدي