#عبدالله_الضليعي_الخالدي ~• سبحانك ~• يالله يا غفار حنا لك عبيد

الشاعر #شعراء_بني_خالد
#بني_خالد
_____________
~• سبحانك ~•
يالله يا غفار حنا لك عبيد
نذنب ونستغفر ولكنا نعود
نعد حسناتك لنا مثل الرصيد
ونعدها عد الفقارى للنقود
يا ذا العفو والصفح يالركن الشديد
يا من اليه الملتجا تحت اللحود
يا ذا العطا والمن في يوم الوعيد
تعوذنا من كل نقص لكل زود
وتعوذنا من كل شيطانٍ مريد
بيدينك الرحمه وجنات الخلود
يومٍ تقول النار هل لي من مزيد
يالله عسى منّا حطبها والوقود
يا ربعنا يا اللي تحبون القصيد
عشرين بيت وعود في عين الحسود
لا جاك من سود الليالي طي قيد
لا تكترث للعاذلين وللحسود
احرص على راي الذي رايه سديد
يميز اسلوب العساكر والجنود
راعي الوفا لو هو من الناس البعيد
اخير ولا هافي من اصلاب الجدود
خذها نصيحة شاعرٍ ماهو بليد
يثمن علوم الصوادر والورود
مبداه واضح والقواعد من حديد
على اليبس والاّ البحر باوصاف طود
وانا ما اقول اني بذا العالم فريد
لاشك انا شاعر ولي موقف اسود
لا شفت لي رجال في قلبه صديد
يبيع ناسه والمهم راسه يسود
لا يردعه دينه ولا رايٍ سديد
يتبع هوى نفسه وجوفه فيه دود
رجلن مهو فايد ولاهو مستفيد
ماله مع الاسلام والتقوى عهود
وبعض العرب حر ومعه ام العبيد
تضرب على فرقاه طيرانٍ وعود
راع الردى فرقاه سعد ويوم عيد
عند الرياجيل الحشيمه كسب فود
قالو تمنى قلت وينك يا ام جيد
يا اللي تنهاتك شذا عطر الورود
هيه انتي ياللي في دما حبل الوريد
لا تحسبين اني ليا ضاقت شرود
لن الشغف مثل الوله ماهو جديد
يبنّي اعشاش الغلا عودن وعود
#عبدالله_الضليعي_الخالدي