#الحزن خيّم يـوم خايلت الغروب / #مهند العشيش الخالدي

الشاعر إلى روح الفقيد إبن العم والجار الحشيم ابو مثقال عليه رحمة الله #محمد_مثقال_الخليوي‬⁩

الحزن خيّم يـوم خايلت الغروب
واعـوذ بـك ياللـه مـن كـابوسهـا

رحلْت والذكرى تنـوب ولاتنـوب
يـاسـيـرةٍ وجـه الكرم قامـوسهـا

ترحل ولكن مارحلت من القلوب
الــذاكــرة لانـاشهــا نـاقـوسهــا

يا لحيةٍ عن طيـبهـا عيّت تتوب
مـاقـد تـوارى للـثرى ناموسهـا

صدره يدلّه من تضايق بالدروب
لاشحّت كفوف العرب ونفوسهـا

يزبن عليه اللي من الفاقة يجوب
والعلة اللي فيه يبري قوسها

يوم المراجل ماملت عين الكذوب
أنت الشهامة سمّتك من روسها

هذاك ابو مثقـال لاهـبّ الهبوب
رح علّم بشوت العرب وفلوسها

ان المعالي حيـّرت غـترة وثـوب
لو كان ديباج الرخاء ملبوسها

نستودعك رحمن غـفـار الذنوب
الواحد الـفـرد الصمـد قدوسهـا

يالله من انهار العطايا له عُذوب
بامرك إله الكـون في فردوسهـا

مهند العشيش الخالدي