يوم سقت القاف للشاعر خالد حامد العفراوي

 يوم سقت القاف والمعنا لقيته
والمواريث العديمه ما آعدمها

سقت لي مضمون يعْجبْك ان قريته
والعلوم الغانمه جات ابـ قدمها

والمديح الناقص ابداً ما بغيته
دلّة الآمجاد من صدرك نسمها

طيب ساسك يا بو جاسم ما رأيته
في عرب شبه الجزيره أو عجمها

راعي العز القديم اليا نصيته
فزعته بـ اوّل كلامه وِيختمْها

طيب راسك يا بو جاسم ما حصيته
يا ذرى ربعـك ورفرف يـا علمها

غيبتك علّه على قلبٍ خذيته
والكفو بحروفك الشاعر رسمها

غبت واسْمك بالوفى دايم حميته
ورجعتك يا آبوي بالفرحه حسمها

جودك ا بْصفحات الايّام ورويته
جعلني مـا آذوق حزنك يـا كرمها

كلنا نفداك يالوافي بـ صيته
جعل راسك دوم بالدنيا شهمها

كـلّ زرعٍ بالوفى مثلك جنيته
وآنا خالد ورثة حمود وسهمها

وحامد امعلّمني ان الطِيب بيته
ينبنى باللي على العليا زهمها

نسل شيخٍ دايمٍ نحفظ وصيته
الفعول الكايده بيده وسمها

خالد بن حامد العفراوي


https://youtu.be/sjs3Wsc8rn8