#عبدالله_الضليعي_الخالدي #الموقف

الشاعر #شعراء_بني_خالد
#بني_خالد https://youtu.be/DjzCb21wt9E
--------------
•• الموقف ••
الموقف اللي زلزل اركان الشجاع
قولك فمان الله في نبرة وداع
لاشك يا علمي قبل عني يشاع
فرصه سعيده يآصلك والناس عيد

عمن سواك اهواك والله يشهدي
ولا تحسبن ان الشي هذا في يدي
بعض الغلا يمشي بروحه ويعدي
صون الغلا اللي بيننا مثل الوليد

صونه مثل عينك وخفاقك بعد
يا نافلن جيله ويا وجه السعد
وابيك تعطيني على هذا وعد
يحيا معك في نبض شريان ووريد

حيث الأمل لا غبت مثل الشمع غاب
مثل العمر يفنى وريعان والشباب
حسّب لأسوأ الإحتمالات الحساب
لو الحذر دون المقدر ما يفيد

يفيدك العلم المثبت والوكاد
ما تحتمل بعض المواقف الإجتهاد
احمل قناعاتك على متنك عتاد
واستلهم الحكمه من الرآي السديد

وجوابك اللي ما برد كبد السؤال
ما غير أنا وظنون قلبي في سجال
تعذرت دونه وسايل الإتصال
ولا جتني علومه مع ساعي البريد

رغم التعب والحزن والجرح الأليم
والله لتبطي وأنت في عيني حشيم
الحب ما توّه طرا الاّ من قديم
يستشعر احساسك ويولد من جديد

من شيمة الوافي يموت ولا يخون
وأنت الذي مثلك يمون ولا يهون
لا دهرن يضيمك ولاهم يحزنون
لا تظن بي ويروح تفكيرك بعيد

والكلمه اللي ودي اعلنها علن
عليها عند الله وعندي مؤتمن
لاشي يضطرك على دفع الثمن
وأن جاتك الفرصه على طول استفيد

قل قال عبدالله وعبدالله وفاه
متعلين حول الثريا في سماه
من فضل رب الكون رافع مستواه
عده رصيدك لا انكشف عنك الرصيد

#عبدالله_الضليعي_الخالدي