#النقيب / فهد بن دعيرم #وطنا مقر الخير تامن به الاوطان

الشاعر #النقيب / فهد بن دعيرم #وطنا مقر الخير تامن به الاوطان
@DAEERM قناة بني خالد الرسمية على اليتيوب https://youtu.be/prOOP9LA8-0 وطنا مقر الخير تامن به الاوطان
وطن للمعزه والكرامه سواقيها

وطنا ماهو للكذب والزور والبهتان
وطن يعتليه الحق ومبينن فيها

ولانا قبل لايروي بتروله الضميان
وولاء من يحب الارض ويقبل ايديها

وطننا ترابه ريح مسك ونسم ودان
عشقنا هواه وشامخ الارض نغليها

عسى دارنا داري السعودي رفيع الشان
يدوم التلاحم بالقياده واهاليها

على العدل ساد الحكم في كافة الاركان
وعم البلاد وطالت اقصى نواحيها

من ارض الجنادريه بدا الشعر والعنوان
عسى اللـه يرحم مفتتحها وبانيها

ابومتعب اللي فك لصروحها بيبان
وقلل مساوئها وكثر حسانيها

رمز للبلد ياجعله العفو والغفران
بلدنا مغابيش التراث ومساريها

من الحاضر المشرق ومن نهضة العمران
لها بالاصاله امتدادن لماضيها

من مؤسس الدوله والخيل والفرسان
الى عاصفة حزم العروبه وصاليها

على العز قلت وطلت ياسيدي سلمان
حفظت الكرامه لشعوب واراضيها

حزمت وجزمت ولاعلت زمرة الشيطان
مضاريب كفك ياملكنا توطيها

ياسيف النصر والمجد والعز ووالميدان
سيوفك من متون الاعتادي تحنيها

يسارك سنين وميمنك مده وصفطان
تحل المعاضل لاتلوت وتنهيها

ياخو نوره امجادك تفاخر بها البلدان
حمية الشريعه واطهر الارض حاميها

ملك للملوك وللممالك وسيع بطان
تروف بديارن ممحلاتن وتعطينها

تعدل المسار وتوزن الحال بالميزان
وعلى الحق كلمة منطقتنا مبديها

ماخابت ديارن حكمها الشرع والقران
وملكون تكمل بالمسيره وتبنيها

تهاذب لهم خَيل المكارم بدون ارسان
تفاخر بحاضرها المبجل قوافيها

هذولا هل العوجا هل الخيل اهل شامان
الامجاد تستخرج من حروف اساميها

على خدمة البيتين درع وذرى وكنان
يمر الزمان ولا تغير مباديها

كبار العزوم اللي لها كل كايد لان
تميز بحزم وعزم وأريا تقديها

ولانا لهم يجري كما الدم فالشريان
الاجساد طاري مملكتنا يغذيها

لهم نعطي البيعه لهم نردع العدوان
سيوفٍ تلحق مملكتنا مشاهيها

وحنى لهم لاثار بالمعركه دخان
نسوق العمار وغالي الروح نهديها

عساكر على حد الوطن كنهم خبلان
يرد العدو ودلة الكيف يغليها

مطانيخ روس وبلقاء نصمل وشجعان
ونكحل عيونك يالمعادي ونعميها

من القاعده ومن الحويه وخشم العان
تقادح رجالن نصرها من يمانيها

قدحنا بوجه ايران واللي معا ايران
قطعنا دوابرها وضاعت مساعيها

وطينا عقاربها ودسنا على الديبان
على قاطعات الصوت ننظر ونرميها

مع الجو صقرن مخلبه بالهداد سنان
ومع الارض بندق رميتن مانثنيها

لونا معا اهل اليمن بالصحيح اخوان
لاكن في سط صنعاء جهاهيل تاذيها

اعدنا الامل فيها وشاع النهار وبان
وعلى النهضه ايامن قليله ويمديها

ومعانا تحالف صف ياوقفة الجيران
لنا يالخليج الفزعه ومانخليها

من عيال زايد عز يالمحزم المليان
خليفه سعدهم وابوخالد مقديها

بلاد الامارات العظيمه على الاكوان
لها مجدها اللي قد بناها ويكفيها

ودولة قطر دار التميمي اخو جوعان
تميم المفاخر والمواقف وراعيها

عضيدالعروبه والشكاله والاطمئنان
ليا هاضت امواج السفينه يرسيها

ولاهانت البحرين دار اخطل الذرعان
حمد بن خليفه شيخها اللي مصفيها

على الشر حرب ولرضا لولو وومرجان
عداته يزعلها والاصحاب يرضيها

ومعانا اخو مريم موارث قصر دسمان
مايخفي المواقف بيينا ولا نخفيها

صباح وعلى وجه العدو مدفعه هتان
رجال الكويت الله على العز يحيها

وحنى الخليج وصفنا واحد ولاهان
نقوا بوحدتنا والاعداء نهبيها

بشوت الاماره والحكومات والشيخان
وشعوبن على كل النواحي تواليها

نجرع عدو الدار من ضربنا الخذلان
عسى الله يقطع دابرتها وينهيها

عسى للعروبه ينعدم طاري الخوان
ذليل يساوم بالعروبه معاديها

ضعيف العقيده يجزي الطيب بالنكران
غدر بأمة الاسلام وارخص بغاليها

عسى ذخرنا يبقى للأسلام حزم امان
ذرا داخل الدوله وخارج مبانيها


مدام القرار يصدره من عليه امان
تباهي يانجد وكل قمه تعليها

عليها اخو نوره ذرا الضامي الجوعان
وليه ولي العهد ووليه وواليها

محمد ابن نايف ومحمد ابن سلمان
يدين البلاد وكفها اللي مقويها

هذولاء حصون الدار ذخر اصوك الجنحان
يديين تصافحها وايدنيين تلويها

يحلون عقدن عاجزن حله البلشان
ويصرون سيبات الزمان وبلاويها

دهاة الدهاه وحنكة الحاكم السلطان
على صفحة التاريخ سجل ياقاريها

سيسات تدكت تحتها اشهت الضلعان
يذب الرجوم اللي من العام واطيها

علي الحرام اني بهم اصدق الصدقان
اباذخ بأ ركان البلاد ودواهيها


وانا الشاعر اللي للوطن صخر القيفان
مثل حرن يصخر من الصيد راهيها

تحت امر متعب سيدي مرهب العدوان
فعول الحرس ماحد بجاهل وناسيها

وزير الحرس والقايد الوالد بليهان
علر كل موقع بالجزيره موصيها

مكمل عتاد الحرب من دون اي نقصان
عسى الله يديمه للوزاره يراعيها

على النصر رفة راية العز بالميدان
تحت امر سلمان العروبه نحييها


#النقيب / فهد بن دعيرم #وطنا مقر الخير تامن به الاوطان
@DAEERM