#الشاعر_عبدالله خالد الخالدي #تدور الايام والصوره هي الصوره وملامح كويتنا بالقلب محفوره

الكويت البحرين تدور الايام والصوره هي الصوره
وملامح كويتنا بالقلب محفوره

نغيب عنك شهر شهرين ولّا اكثر
اعيوننا صوبك امن الودّ مأسوره

يا دار جابر عسى ينعاد بك عيدك
وتبقين يا دارنا بالخير ممطوره

وعساك يا شيخ جابر من هل الجنّة
اللي تعب للكويت وقام في دوره

يا ديرة اخوان مريم للعُلا سيري
على النجاحات وانجازات مخبوره

يا كويت تاريخك اطول من يد الطامع
وحدودك اليوم محميّه ومحظوره

يا جعل ما آنشوف فيك اللي يكدرنا
ويدوم فبراير الآمجاد بسروره

في ضِل ابونا صباح وفي ذرى بشته
وطن نهار وتلالى بالعرب نوره

عطى الوطن والشّعَب في حسبة عياله
وارهى على الدوله وما هي بمقهوره

يا جعلها في أمان وعافيه تبقى
وعلى المعادي يا دار العزّ منصوره

من كانت الكوت نعشقها ونغليها
ومن صارت كويت نفس الحب وشعوره
https://youtu.be/4QND1VirpNE
عبدالله خالد الخالدي