# تيسير الدرعان الخالدي #خوالد لابتي

الشاعر (خوالد لابتي)

الا يامنوتي والشعر لا شرته يطيع الشور
وحنا من الضماء نضمى وكلن له مشاريبه

لنا في زحمة العالم مكان ومنهج ودستور
وكل منا له علومه ومعرفته وتوجيبه

ليامن ثارت الثورة نطحناها بليا شعور
وحق اللي يبي حقه بنتولاه ونجيبه

خوالد لابتي لا صار بالقالات دق صدور
فخر للي يسولفهم ولو ماهم محاسيبه

تّجْمعنا بني عمن خوالد ماجمعهم سور
جمعهم قلب ينبض في صدورٍ تعشق الطيبه

على ماقيل والمنخل تعاجز لايحجب النور
مواقفنا مع التاريخ راعي العرف يحكي به

شمال المملكه وبنْجد بالدمام تقل صقور
حرارٍ كل رجلٍ له علوم وله تجاريبه

تعاجز عننا البلاس راع الكذب واهل الزور
عجز يطمس مواقفنا ولو يكثر عذاريبه

لنا بالمجد درب وبالمعارف قاطعين بحور
مدام ان الصغيِر بْنا على العليا مراقيبه

# تيسير الدرعان الخالدي