#مجاراة_لمرثية_غازي بن عون من #الشاعر سعد بن مخضار العريفي.

مراسل الصحيفه مجاراة لمرثية غازي بن عون من الشاعر سعد بن مخضار العريفي.
يا رفيق.ن.مشاركني عزاي ونشد داعي .ن.للفقيد الله يقبل دعاك
ولا يصيبك مصاب ولا تشوف النكد ولا تشوف النهار اللي يكدرصفاك
لو الايام ماتصفى ودامت لحد كم شكا من ملايلها هذاك وهذاك
ليل الاثنين ونهاية نهار الاحد عقب علم .ن. فجعني صابني بارتباك
قمت عجلان من نومي ونادي فهد سمع صوتي وجاني قال لي وش بلاك
قلت عمك مريض وفالعنايه رقد يالله انك تجيب اله الشفا من شفاك
ويوم جيته عرفت ان المفارق وكد قلت صار المفارق قالو العلم جاك
يالبنادم ليا حانت وحان الوعد ما تقدم قدم ولا توخر وراك
اعرف انه طريق .ن.ماش دونه مصد ماشي.ن. في طريقك لين تاقف خطاك
جور الايام والدنيا تهد الجهد لو مشيت بهواها ما مشت في هواك
تخدع الناس بالمنظر وطول المددولو تزاينتها لابد تبحث خفاك
كل يوم .ن. تزين بالثياب الجدد تزرع الامل قدامك وتطعن قفاك
يااله .ن. لو جهه نرتجي ونعبد يا لطيف .ن. بخلقه ماش حي.ن.سواك
ترحم الميت اللي في حياته سجد وشاهد.ن. لااله الاانت يطلب رضاك
ادخله في جنانك وعن لهيب الوقد وفي نهار القيامه تدخله في ذراك....