قصيدة مهداء الى يوسف بن صالح العواد

 إلى والدي الشاعر يوسف بن صالح العواد اهدي هاذه الأبيات

بسم الله الرحمن في مبتدى القول
الواحد المعبود جزل العطيه

واللي يلي قولو معي بعد ما اقول
صلو على محمد شفيع البريه

واعداد من يحرم من السيل ويقول
يارب ثبتني وحط الخطيه

واعداد ما يمشي من انهار وسيول
واعداد مايحمس من الشاذليه

واعداد وبلٍ فالمخاييل منقول
واعداد ما ذعذع بنجد العذيه

سلام ياقومٍ لهم صيت وفعول
في وقتنا الحاضر وبالجاهليه

قومٍ حمو بيض الحباري من الزول
يوم العرب ما بين هيه وهيه

خوالدٍ ما تنثني ساعة الهول
لا كل خيالٍ تعلا العبيه

اهل الوفا والطيب من حول لا حول
واهل الكرم والجود واهل الحميه

قبيلةٍ فيها نشا شيوخ وزحول
ميرادهم فالهوش حوض المنيه

تاريخهم باقي ولاهو بمجهول
تشهد لهم وقعاتهم الاوليه

والمدح فاهل الطيب طيب ومقبول
ويضيف للشاعر وفا وقابليه

احدٍ يوردها على كل شهلول
واحدٍ تصافق فالمواقف لحيه

وانا من البارح عن الخلق معزول
اختار في ذودٍ توارد عليه

مرباعها فكرٍ به تصول وتجول
وميرادها اسماع الرجال الوفيه

منقيةٍ باسم القحاطين ونقول
جات الخوالد كل ابوها هديه


الشاعر سلطان بن شري