# ابو سيف الخالدي/يا خافقي كثرت عليك العواذيل

الشاعر يا خافقي كثرت عليك العواذيل

احدٍ بعيد الجدَّ و أحدٍ قريبه

لا جات كلمة سرَّها فأول الليل

ولا تلفت للمخطية والمصيبة

والله ما للوقت صدّة عن الميل

وماجابت الدنيا لزوم تغدي به

الرزق عند اللي ينشّي المخاييل

وما ياخذ الانسان إلا نصيبه

والله لا خالي ولا ابوي ببخيل

ولا منهم اللي قد رضى بالغليبة

والله ما اخلي دروب الرييجيل

لين يتعلى فوق راسي نصيبة

ابو سيف الخالدي
بانقور
1438/2/22 هجري