#الشاعر / خلف حمود الخطيمي

الشاعر لا جف ريق البر فالحر يختال
زهوه سراب ٍ نطرده لا تواره

باكر يجيك الصيف والعشب رحال
ويذهب خضار القاع ويلحق صفاره

لا ما زرعت اليوم فالصيف عيال
يرميك في سهمٍ من الشمس كاره

فصول السنة كلن لها عيال ورجال
وكلن بداره شيخ لا طب داره

اليوم له حالٍ وباكر له أحوال
والليل بعده صبح يسفر نهاره

أمسك رسنها إن كنت فارس وخيال
الليل بعده صبح .. لزٍ .. وغاره

شوف الأسود اليوم كانت ترى
أشبال
لا حول لاقوة وشوف الجساره

كلن بنفسه يحتوي بعض الآمال
وكلن يدور بين شباب ناره

السنت يا سيد ترى شيخ الأميال
والنار شوف النار تبدى بشراره

ألوان بعد ألوان وأشكال وأشكال
وكلن بنفسه راي ورايه قراره