حلم الوطن : الشاعر عبدالمحسن الخالدي

 ماني بعلماني ولا ليبرالي فكر وفلسفه
ولاني بـ إخواني ولاتجمعني فيهم أي صله

ولاني مع العادي ولا ولدٍ لحكمٍ اخلفه
ولاني بـ حلّالٍ عقد اتذوب معْه المعضله

إنسان في قلبه وطن ماتزيد من قدره صفه
يضيق من ضيقة بحر ليمن تكدّر محمله

العقل آفاته جهل إن كان علمه ماسعفه
تشوف وسمات الخبب من زود حمله مثقله

تجرّه ادنات الظنون ، الريح غصبٍ تحرفه
مثل السراب اللي غشى عين السنين المقبله

روضٍ بلا شمس وقمر لا والله أني ما اعرفه
والارض تشكي النخل صفّه غدا به خلخله

اما يكون او لا يكون إلا النهايه مؤسفه
تشكيه اجيال ووطن ، حلم الوطن من مثّله ؟!