#خلف_الخالدي

الشاعر ..........( أبن الحرام )


يـا مقبـرة ذكـرى عيوني لـك سـلام
مـوتـاك مـن شتّـى بقـاع الأمكـنـه

تمـوت عبـراتي على بـاقـة كـلام
مـدامـه الأحسـاس مـيّـت أثمـنـه

أيه أسرقي مني من جروحي غُـلام
تعبت من كثر البُكاء و أنا أحظنه !

يا شمس نورك يقتل أشرار الظـلام
في روحي الوضحى حناجر مُحزنه

في عتمتي عايش و أردد يا حرااام
مولود نوري لي متى و أنا أدفـنه ؟!

نظـراتي الشُـرّد على بـاب المـلام
خايف تْـفك الباب ( كلمه ) مُزمنه

ما نام قلبي لو هدب عيني ينام
و ما ينبرا من جـرح إلا أجبنه !

تعالي أقريني على صدر الهيام
أعجابك " فـ حزني " أكيد أبضمنه

يا غايبه ما زلت أنا فوق السنام
مْكـرّم طيوفك من الحزن أسمنه

يا غايبه و المسـك ماهو بالخِـتام !
مسك المحبه في بـدايـة سوسنه

شـوفي محبتنا تزاحم في زُحـام
لـو كـان بعض أحـلامنا مْتكـفنه

دام المحبه مُسلمة فـ شرع الأنام
ليه الصدف تكفـر ولا هي مُمكنه !

أوّاه يـا قلبن بـدا فـيه إنـقسـام
أنـا وطـن كـنّي مفـارق مـوطـنه

يا غايبه و الشوق هو أبن الحرام
مات الهواء و الشوق عاش بمسكنه



#خلف_الخالدي