* ردية الجمس * بين الجمس والشاعر محمد سعد الدليهي الخالدي

الشاعر * ردية الجمس *
بين الجمس والشاعر محمد سعد الدليهي الخالدي
ماعاد لك يا جمس في خاطري كرت
من يوم ساقوك الغشم والوراعين
وانشهد اني منك عدلت دبرت
ماعاد اطالع فيك في طارف العين
رد الجمس يقول*
الله واكبر يالدليهي تكبرت
خليتني شفك بركب السيادين
ماهو بحق اليوم عني تنكرت
تلعب بي الورعان وسط البلادين
رد علية الشاعر يقول *
جار الزمن يا جمس فيك و تعثرت
ولا نسيتك يوم جمع المحبين
واليوم روح كنك اليوم ما صرت
ما دام وقتك يجمع الزين والشين
رد علية الجمس يقول*
اسرفت فيني يالدليهي و عزرت
اسرفت بي سرف اليهود لفلسطين
اذكر زمان فات كانك تذكرت
حكمك علي حكم الرجال السلاطين
رد الدليهي يقول*
فكرت فيما فات يا جمس فكرت
و عديت نفسي من حساب الخبارين
كم مرة ضيقت صدري و بنشرت
والناس ما توقف على الدرب ماشين
رد الجمس يقول *
كم ليلة فيها زعلت و تكدرت
وسريت بي با الليل والناس ممسين
في مطلبك يالخالدي ما تعذرت
رفيق صافي لك على العسر واللين
رد الدليهي يقول *
هيهات كم ليله علينا تزهزرت
وكم ورشه مضى لك اسبوعين
هذي علومك كلهاما تغيرت
غربلتني و اشقيتني دين في دين
رد الجمس يقول *
يعني خلاص تقول يالخالدي برت
يوم انزلوا بالمدن كل البداوين
ياما ورثت العد وامراء صدرت
مع تأشير زاء زا ء زين
وسط الغماره مع وليفك تخدرت
وبدر الغريب يجازي الصوت صوتين
رد الدليهي يقول *
يا نعنبوك اركد تراني تفجرت
كل العلوم السابقة جبتها منين
مسكت نقطه ضعف فيني و دمرت
البر لا تطريه لا تطري الزين
خلاص انا قررت شاريك قررت
خل السوالف ذيك ياجمس بعدين
و بذبح بدل حلفي كرامة و كفرت
والناس لو تزعل انا وانت راضين
وتمشي بي الدنيا وانا ما تطورت
ابيع واشري جمس خاز زقزي وزين. /https://youtu.be/kl61CZ8nkfM