#بقلم_الشاعر_طــلال_بن_فيـصـل_الخــالــدي

الشاعر (#الحـر_يرهـي_علـي_الصـيـدات)
.
.
.
.
كلٍ يغني علي القيفان طاروقه
وانا طروقي لحنها جلد رشاشي

تنطح جموع الجهل وتنور طروقه
وتبين الحق ناصع كنه الشاشي

يناس بعض العرب ياشين منطوقه
ضعيف هقوه ولاشٍ من ظهر لاشي

خبلٍ يحسب النسب ينباع ف سوقه
بضاعهٍ جاهزه للي دفع كاشي

يبيله اصلٍ يفصل له علي ذوقه
يصير شيخٍ وراعي خيل وادباشي

#من_صدق_مسيلمه_بأيات_مسروقه
بأسفل جهنم يشوف لعمه فراشي

ومن يلبس الثوب قبل ايخيط فتوقه
ينشاف عيبه تحت مفتوق الاقماشي

البرق يبرق ونوو الغيم فوقه
جود مبانيك ياللي تبني عشاشي

يا صاحبي جربتك تقطر ومشقوقه
منهو ذخرها لحر القيض ما عاشي

وارضك صبخ ما نبت فقعه ورقروقه
لو كان ديم السحايب فوقها غاشي

#اعرف_حلاة_الرطب_من_طيب_عروقه
لو كان جذعه نبت في ساحل الطاشي

ولا نبات العبل لو طاحت عموقه
#جذعه_ضعيفٍ_تذبه_حكة_الحاشي

وشلون لو يدحمه من تومي شدوقه
هرشٍ ونابه يحش العظم لا هاشي

نوخ ذلولك ونزل الحمل من فوقه
بضاعتك بايره لو بعت ببلاشي

منو طمع في حقوقٍ ماهي حقوقه
ردوه اهلها ولا حصل بها عراشي

#الحـر_يرهي_علي_الصيدات_بالحوقه
#والبـوم_دايم_علي_الـفـيـران_يعتاشي
.
.
.
.
.
#بقلم_الشاعر_طــلال_بن_فيـصـل_الخــالــدي