#الشاعر : محمد بن خلف بن محمد

بني خالد الشاعر : محمد بن خلف بن محمد الخالدي

لا بتي ستر العذارى وعز النخيل)
ياولد شيخ حمى نجد بالسيف الصقيل

استر العذراء العفيفة بيض ثيابها

سيدي.. شعبك معك صاح بالصوت الطويل

المعادي دارنا ما يدوس ترابها

دارنا فينا لها حق ونرد الجميل

حاضرين بوقفة باللقاء يحكا بها

لا بتي ستر العذارى وعز للدخيل

دون دار اخوان نوره تسوق رقابها

سيدي حنا (الخوالد) كعام اللي يعيل

عند رأيك… والحرايب حسبنا أحسابها

لعنبو من ذل نفسه… وقالوا له ذيل

موتة من غيرا اليوم وش يبغابها

قص (راس قليص) حتى عن الديرة يشيل

وفرح اللي فارقت دارها وأحبابها

امسح الدمعات عن طرف من طرفه كحيل

هددوها حزب صدام.. زاد ارهابها

طغمة الطاغوت تفرق حليل من حليل

ويقتلون الغافلة يوم تضفي حجابها

خاين الجيران غدار ما عده عميل

كيف نامن والصحيفة قرينا كتابها

سيدي… شهيد من مات بالهية قتيل

الشهادة ربنا بالكتاب أوصى بها

ـــــــــــــــــــــــــــ
الشاعر المرحوم : صالح بن بشير العميري الخالدي

(درك رسنها لا تمس بطانها)
بديت باسم اللَّه عدد نجم يبين

عد الصلاة القايمة وأركانها

قال العميري من حشا قلب فطين

لا قلت أنا الهرجة على ميزانها

قم يانديبي فوق ممسوح الجبين

درك رسنها لا تمس بطانها

ما وفقها إلا الخرج والدل الحسين

واللاخطوط زينت صرفانها

لي دقها العرقوب خفت باليدين

تشبه قطاه رفعت جنحانها

أضحى ابها مني عسى ملفاك زين

صوب الرياض اللي علا بنيانها

ملفاك من عندي إمام المسلمين

اللي حمى الديرة وصلح شانها

الله يعزه دايماً دنيا ودين

ما دامت الدنيا على عمدانها

ــــــــــــــــــــــــــــــــ