#سلمان بن عبدالله العويضة عضو هيئة الرقابة والتحقيق

الشاعر أنا أشهد ان الحَمْد عز العشيرة
تاريخهم فوق السْحب عالي(ن)فوق

فريسهم غلبا وعزيز(ن) قصيره
ما تجْرأ العدوان تاخذ له حقوق

لا صكت الهيجا يلبي صغيره
ويروي غليلك بين لاحق وملحوق

شيابهم بالراي فيهم بصيره
وانبيك عن عرفج تسطر به طروق

وباب الخشب بالطيب يشهد سفيره
وانبيك عن راشد مع قلوب بالسوق

راشد بن عويضه يفوح بعبيره
ماصك بابه من العنا دون مخلوق

خيره على ربعه ورفقه وجيره
كنه شعاع الشمس في حزة شروق

سبّل مضافات الكرم بالجزيرة
أيام فقر الناس والحال به ضوق

ضاف الفرنجي يوم حاله نكيره
وعرّس ثلاث أيام ضيفٍ له حقوق

شاف العجب في رحلته في مسيره
وحدّث عن الي شاف في زين منطوق

وجاء في كلامه: طفت كل الجزيرة
لكن ترا راشد عن الناس مفروق

شيباننا بالصيت بحور(ن) غزيره
ولا تنحجب شمس الضحى بشْن مخروق

وصلاة ربي لــأخْـيَــر الناس سيره
إعداد ما هل المزن وابرق بروق

المحقق/ سلمان بن عبدالله العويضة
عضو هيئة الرقابة والتحقيق