#الشاعر_احمد_الرطبي_الخالدي/

الشاعر #الشاعر_احمد_الرطبي_الخالدي/بقلمي*

قصيدي دعـاك اللي و اذا يبطي آ غيابه
يجيب الجّزيـل العـذب و يجمّل آ حظوره

رغم أنـف مـن يأبى و من يرغب آولابه
واذا غرك سكوتي ورى سكوتي الثوره

دهلت المدى و انثال مـع بوحي آ ذيابه
يترجم فكر شاعر عـوى ذيبه آ شعوره

وانا الشاعر الهبسي وقافي لـه اسبابه
على كثر مــا شافـت عيوني و ماجوره

أنا اكثر شخص وفّى رغــم جفوة احبابه
وانا اكثر شخص روحه من الظيم مقهوره

عرفــت الزمــن قاسي ولا تنفع اللابه
بوقت (ن) تشيّخ فيه من بهرج آ ظهوره

يقولــوا بشــر حنا بشـر لكــن آ بغابه
على عكس مفهوم البعض واقلب الصوره

أشوف الصحيب اللي نكــر طيبه اصحابه
واشوف الغدر ناسه على الغدر مسروره

لذا بكتب احساسي وانا حاسب آ حسابه
فخــر أفخـر آ بـ أرواح واجساد مقبوره

أحب اهجي الواطي و لــو تنبح آ كلابه
و احب اهجي آ كلابه ولا قول محظوره

واحب امدح الوافي و لو مــا أطق بابه
مديح (ن) يخلي اعداه بالغيض مقهوره

قصيدي دعاك اللي و اذا يبطي آ غيابه
يجيب الجّزيـل العـذب و يجمّل آ حظوره

*الشاعر*

*احمد عبدالله الرطبي الخالدي*