#ابو سيف الخالدي بانقور ١٤٣٧/١١/٢٩هجري

الشاعر انا بحكم الولي لي دايما راضي

ونفسي ورى دبرته ما هيب مغبونة

ما دام ربي كفاني شر الامراضِ

والأمن في ديرتي مشتدّ بركونه

ما همّني السجن لو يامر به القاضي

في سبّة البنك واللي يخلص ديونه

ان متّ مدري من اللي ياخذ أغراضي

وان كانني حيّ والله ما يشدّونه

الدِّين والمال والأنفس والاعراضِ

شهيد من مات منا واقف دونه

لا نيب راعي عقار ولا املك أراضي

ولا نيب مسؤول والتجار يعطونه

ولا نيب تاجر ولا ني لاعب رياضي

ولا ني من اهل الطرب ياللي تعرفونه

انا على قد حالي ودايما فاضي

وأدور الشعر وأغني على لحونه

لا تحسب ديننا مضروب وبياضي

حنا هل الدين يوم الناس يخطونه


ابو سيف الخالدي
بانقور ١٤٣٧/١١/٢٩هجري