قصيدة الشاعر عبدالرحمن السالم

 




المرجلة وردٍ هماجٍ على اللاش
مايرتشف ماها ضعيف الهقاوي

تفنا الرجال وذكرهم بيننا عاش
والا الردي لو مات ماله دعاوي

تعيش يا وجهٍ مع الناس بشّاش
طلق الحجاج ولرّفاقه فداوي

دمث الجناب وقلبه ابيض من الشاش
عزيز نفس ولايحب الدناوي
وش خانتك ياللي مع الناس تعتاش
مادام منتب للجمايل شفاوي

العبد تالي رحلته قطعة قماش
والطيب يبقى سالفة كل راوي

لاصار منتب للنخاوي بشواش
ترا حياتك والممات متساوي

عبدالرحمن السالم