#شعراء بني خالد

 يا كيف تقوى يا وليفي على الصدّ

وانا احسب غصونك عليه تمايل

انادي وتسفه وأكلم وما ترد

وتسكر الهاتف وتمحى الرسايل

اثر المسافة بيننا ما لها حدّ

طويلة مرة تهول الهوايل

انا ورى نجران في مقدم الحدّ

وانته شماليّ ورى حدود حايل

لاتقول كلش زين وتعدّ وتعدّ

ولاتقول مابه شيء والشك زايل

مديت جسر الوصل لك يالغضي مدّ

وحطيت فيه لحبنا لك دلايل

وسقيت ورد الحب من ساقي الخدّ

ووقيته بظلي حرور القوايل

واشيد ابراج الغلا فيك وتهدّ

وتحسّب غرورك بيبني بدايل

لازم تفرق بين الامزاح والجِّدّ

وتبّرق بعمرك تراها صمايل

ولا تغرّك خفة الجزر والمدّ

يصير في لحظات طوفان هايل


ابو سيف الخالدي

١٤٣٧/١١/٢١هجري

ب