شعراء_بني_خالد #عبدالله_الضليعي_الخالدي

الشاعر #شعراء_بني_خالد
#عبدالله_الضليعي_الخالدي
"الجوهرة النادرة"
لبى الثقه يا معنقه ولبى الحلايا والوصوف
ياطولها ياعرضها لا قالو السالين كييف
الجوهره والنادره ما اظن توفيها الحروف
لبيه .. ثم لبيه .. ثم لبيه يا الشغل النظيف
ياعودها و ياسودها اللي تذبح الرجال شوف
الموت في مقرن حجاجٍ له وخشمٍ حد سيف
يابنت جدّي بالطلب والموت ما عنــّــه عزوف
شئت ام ابيت الموت لبن آدم من فصول الخريف
لابد مايقطف من ارواح الآوآدم والحتوف
حتى تشوفه شوف عينك دون شك ودون زيف
واليوم انا يالجوهره لولاي شاعر ومعروف
اقدّر الزين وهله واثمـّـن الترف الرهيف
لا اقول شيّن من ورى الخاطر وسحقاً للظروف
واللي يبي ينقل كلامي لايزيد ولا يضيف
يا عاليه ويا غاليه ما يمنع الخفاق خوف
الحب بأحساس العرب عفٍ ويصخي به عفيف
ياشينها لا عز حبرك ياقلم بين الكفوف
والكلمه اللي في ضميري عدّها حملٍ كليف
لله في خلقه شئون وعادة القلب الشغوف
اصدق من حروفه شعور ومنطقه جداً حصيف
اما تمثل بك غلا وانت الحلا وانت الشفوف
والا ادعّي واقول غالي ومرنّي بالحلم طيف
يابنت لا عرضّ عليك البيت فجاءه!؟ لا يطوف
كانك تحبين الثقيل .. .. وما تحبين الخفيف
عبدالله الضليعي الخالدي