الشاعر : رشود حبيب الرشود

 





فـي مـشـب الصـدر فاحن الدلال
والقـريـحه هاضها صـوت الهديل

والقصيد ابداع من وحي الخيال
وبصـمة النـاقد على المبـدع دليل

وشــاعــرٍ مـا يــارد اعـدود الزلال
سلعته قرطاس في مجرى المسيل

فـكـرة الشاعر مـثـل شرد الجزال
والشعـر غـابه .. تـبـي عـيـارٍ ثقيل

شـاعـرٍ صـيـده مـن افـكـاره غزال
وشاعـرٍ فـالـه مـن الكـسب الهزيل

ولا انـا طــرقٍ عـلـى خـشـم الليال
اعتـلـيت طـويـق .. والـعـاذل يخيل

ويوم حظي راف واعـطـاني مجال
جيت اغني فيك يا الطرف الكحيل

ويـل حـالـي منـك يا سـمـح القبال
ويـل منـهو فـي قـبـو الحـاير نزيل

دنـية المسـلم .. لـهـا كــل يـوم فال
ومـن غـثـاها يمـسي الطـيـب ذليل

وجـعـتي لاهـب نـسـنـاس الشمال
واعـتـزلـت الـنـاس والخـاطـر عليل

كـم عـلـى جـرتـك .. شديت الرحال
لـين شـفـت النـجـم فـي وقت المقيل

وش لقـيـته مـنـك يـا باهي الجمال
غـيـر ضغط الـدم والسـكر حصيل

ثقـلك الـعـذروب يـا حـلـو الخصال
صـدق منـهو قـال مـا يكـمل جميل

شـف طـريـقه للوصـل يابن الحلال
مـابـقى شـيٍ على الشـهر الفضيل