الشاعر محمد عبد المحسن

الشاعر #شعراء_بني_خالد_الشاعر_محمد_عبدالمحسن_الخالدي/حل الطنى والبعد عندي خذا حين...
واوجست من صالي سمومه لظيه...
ي عنك ماني من جموع المقفين...
اللي روابعهم توالت رديه...
خطو الردي لو هو من الربع الادنين...
هافي ولا له من قسوم الحميه...
كنه سرابً يقتفيه الامرين...
والا لهيبً ماتحاوفت فيّه...
الله على اللي قارب الطيب واللين...
اللي يهلي بالوجيه الرضيه...
بتّاع للجزله ولو حاوفه دين...
كنه رذاذ المزنة العقربيه...
لا ثار يقلبلك جميع الموازين...
سيفً مصقل والمكانه حظيّه...
ومقابله عيدً ورا دور عيدين...
اللي وصوفه ترفع المعنويه...
واليا نصاك بتالي الليل هميّن....
عرّج على اللي يفلجه من عليّه...
اللي تعلا بالسما والميازين...
علّام غبّات النفوس الشقيه...
يشفي سقامً طاعنً من هاك الحين...
كنه صوابً بنيشن الجرمنيه...
اللي غدابي عن فجوج البلادين...
واودع خوا جوفي لقبر المنيّه...
الكامل اللي كمله راضي الدين...
صوّره منهو عالمً بالخفيّه...
كنه اليا فرّع نظير الشواهين...
يخلف موازين العقول الغنيّه...
واليا تمايل هازعً يورد البين...
يسبي عيونك بالردوف المليه...
اللي حباه الله من العطف والزين...
واكتب قصيدي من عسيف المطيّه...
حلفت ماغيره عشيقً لبعدين...
ولاحدً يخاشر بالغلا نور ضيّه...
اللي تربع في وريد المكامين...
وصله قراح وصدته نار حيه...
ويالله تجمع شملنا بالبعيدين...
ويالله ترزقنا على خير نيّه...

#راعي_الحيزا