تيسير الدرعان - يرد على الشيخ عائض القرني

 ردعلى فضيلة الشيخ المحبوب /عايض القرني

ياشيخ عايض لاتدور على العيب
.... من شايبٍ ماهو بكاتب وقاري

يا شيخ كد المور مابه عذاريب
.....اقرا لابن مسعود حذراء حذاري

ترى العياره..!! مابها لك مناقيب
.... يكفي مقامك للملوك استشاري

دامك فضيلة شيخ صافي مشاريب
...... ازراء على (زلة) (مقام)ٍ وزاري

هدبان واهل هديب مكارم و طيب
..... كل من سكنها بالمفاخر يماري

ياشيخ عايض ياعريض المناكيب
...... ردي محبن لك... وفزعه لجاري

الله يفكك من كبير النواشيب
.....ويجعلك منبر علم ومعلم حضاري

والله لا يجعل... لك الدعوه تخيب
....ويرزقك ارض وقصر ومركز تجاري

وترسل علي ياشيخ من بعدها جيب
.... لكزس بياضه ثلج وتكسي فراري

يمكن يزين الحظ من قبل لا شيب
....ويصير عندي بيت وحساب جاري

الشاعر: تيسير محمد الدرعان
أبو سلمى