الشاعر خلف بن عثمان الضويحي

بدر بن دهام   :

في زُحام ايام عمري حاصرت روحي سُموم
طـوقـتني كـيف مـدري شـتتتني فـي شـقاي

ضـاعت ارائـي ونـفسي طـيرها فـوقي يحوم
وابتلشت وقمت ألوّح واسمع بصوتي صداي

يـنهش افـكاري وقـاري لا بـغى يـجلس يقوم
واتـصـبر واطـلـب الله تـنـهمل غـيـمة سـماي

حـاير وضعت بطريقي في متاهه نصف يوم
حــارت الـخـطوه وطـالـت تـوهتي ويـا عـناي

انـهـلكت وصــرت اقــرا وانـفث بـصدرٍ كـتوم
واسـمع التنهيت فيني داخل احشائي بُكاي

غـرد الـعصفور لـكن فـي قفص مملي هُموم
حـالـته تـشـبه بـحـالي دا روحـي فـي دواي

يـاحـبـيـبه يـاقـريـبـه مــــن خـيـالـي دوم دوم
يـابـعيده عــن عـيـوني ارسـمـك بـلحان نـاي

يـفرز الـتفكير عـندي (دوبـامينه) فـي زُمـوم
ولـحضتٍ يـفرز بـعدها ( أدريـنالينه) مـعاي

ويـختلط فرحي بخوفي ويضطرب بالليل نوم
واتـسكع فـي خـيالي بـوح قـلبي هو ضياي

يـمـنـع الإدراك عــنـدي بُــرج هـدّامـه سـلـوم
يـعني (جـلوتاميت) فـكري وقف بسبة هواي

ي بـحـر دنـيـا الـمـحبه مـسـتطعنا بــك نـعوم
غـــارق وحــولـي جـمـاعه او جـمـاعاتٍ وراي

أصــدق الاقــوال عـندي قـالها (بـلزاك) يـوم
صــرّح ان الـحـب قـلـبينٍ وحـرمـان ب هـناي

أعـتـقلني وقـتـي الـلـي كـلـبش ايـام الـعموم
واتـهـمـني بـالـمـحبه قــلـت هــذا مــن غـبـاي

وأنـحـكم فـيـني مـؤبـد فــي مـجرات الـنجوم
واعـترضت وزاد حكمي والسبب أول خطاي

أسـفٍ غـلطان قـولك يـا (شـكسبير) الشأوم
مـاهو تـلفيق الـقصايد أصـدقه بـالبوح جاي

أصـدق الاقـول عـندي نـاتج أوجـاع السهوم
مـاتـصنع بـوحي الـلي أظـهر لـحبي خـفاي

اه يــاطـول الـلـيـالي و اه يـــا قـــل الـعـزوم
واه ي نـزف المشاعر و أح من ضيعة رجاي