ياصباح الشعر : الشاعر عبدالمحسن الخالدي

بدر بن دهام  











ياصباح الشعر.. يادرة زماني في زمانه
ما احتواني ، و أحتويته ، وإن عطيته .. ماعطاني

سنّة المعشوق في فرض الموّده.. عنفوانه
ما اتخلّا ، وإن تخلّا .. راوح الضيق بـ مكاني

افتحوا شباك ليله ، خلخلوا كل اتزانه
ما شكيت الليل، وإن ليلي شكى نفسه: شكاني

ضرة الاضرار: بسمه.. إن تنفّس اقحوانه
رددت فيروز نسّم هالهوى بأحلى الاغاني

واطربت جيلٍ ، وجيلٍ صمّت الفرقى اذانه
ما توعى وإن توعى : دان داني .. دان داني !

وش تغيّر من اماني عود ذيك الخيزرانه ؟!
( يازمان الأنس ) ليت الأنس فيها قيرواني

كان ما عشنا الاسيه ، كان سطوتْه بـ بنانه
مابقى غير الفرات ، وغار.. من دجله الاناني !

هيلماني ماتعدّا من عروقه.. هيلمانه
إن نزفته ما وفيت.. ولا وفى بحقه زماني

ما تفرّق لو رأيته ، وإن طعمته .. زعفرانه
وإن حسبته بالدقايق .. ناتجه لمحة ثواني

ذابت شموع ، وبقى لي من اماني؛ شمعدانه
زعزع الليل المسيره .. وثبّت الصبح الاماني

يا صباح الشعر ، يا درة زماني .. أو زمانه
صحّت ابدان القوافي .. من لسانه لـ لساني


عبدالمحسن الخالدي