شط الاراده : للأديب خلف بن حمود الخطيمي

زيد القصير  #شعراء_بني_خالد
شط الاراده

لوكانت الدنيا على طول حلوه
محد عرف وش لون طعم السعاده

ينخاف غزوك لا لفت منك غزوه
مثل الربيع ايخاف غزو الجراده

اضحك ولا تدري ورى الضحك بلوه
وانسان يبحث وين شط الاراده

ابحث ادور بين الاجناس عزوه
عزوة فكر ..لا دم ..ولا ..سياده

سجني ابفكري وسط فكري بخلوه
مرفوض فكري موت فكري شهاده

فى قلب اى انسان للود نشوه
وفي بال اى انسان ذكرى وغاده

شرط الوصول لقمه الشي خطوه
وشرط انتحار النفس هجر العباده

كم طير شلوى شفت ياطير شلوه
يبي يصيد الطعم والشرك صاده

قرناس يطلب للعمر بس منوه
وصقار صاده ..وا..خسارة هداده

وحصان دنق ..وانتهض راس فلوه
وا...سايسٍ ماعاد يبخص جياده

خلف حمود #الخطيمي