فزعة الأموات : للشاعر الكبير دحام المنور الصبيحي

بدر بن دهام  #شعراء_بني_خالد
(فزعة الأموات)

ما تموتي يا حلب لا والله
لو ظهرتي عالملا مقتولة
..
وان غديتي من لظاها ملَّة
والله اللي خالقك لك صولة
..
ما هقيت (المعتصم) متولّه
في قوام الجادل المكحولة
..
صرخة الخرسا إذا تاصل له
بالقبر.. إذنه مهي مفصولة
..
واحتري سيفٍ صقيل وطلة
ولا ينام الدهر (سيف الدولة)
..
دربكي فوق الثرى في حله
وان تململ ماردٍ منهو له
..
وان نخيتي خالدٍ (سيف الله)
هيبته زلزال .. يسبق زوله
..
الوغى والسيف الأجرد خله
وكل مختلّ ٍ يقص رجوله
..
فزعة الأموات تبري العلة
يوم كل احياءها مشغولة
..
المشاعر صدرها محتلة
بالقهر وأجسادنا مغلولة
..
وفزعة العربان فورة دلة
نارها عن دنيتك معزولة
..
والسحاب اللي نناطر ظله
غيمةٍ وبروقها مشلولة
..
خذ من التلة تجي مختلّة
كيف لو هي كلها ماكولة !
..
علّ طير من السما منصلّة
من أبابيل الولي مرسولة
..
لو تطول الأشرم المُتألَّه
الثرى من سحنته مغسولة
#دحام_المنور