راعي الحيزا في مدح منيف مفرح الشملاني

بدر بن دهام  قال اللذي في مبتدا القاف غناه...
واردف عليها بالكلام العطيري...
مليانةً كله من اقصاه وادناه...
ومن الحروف النادره تستشيري...
يوم يتفطن له مع الخلق طرياه...
كنه طريحً بالعذاب الشطيري...
وياراكب اللي لطويلات مسراه...
جيبً عزومه للمهالك تغيري...
اشهب وعجه ب الجراهيد يتلاه...
صممه منهو بالمزايا خبيري...
بالدفع الاربع ياكل الدرب ممشاه...
كنه على ملح الطلق يستفيري...
والا كما نجمً تحدر من اعلاه...
ساحوق مظرابه يشع النويري...
اندر من الدانه على جيِد مشهاه...
واجزل من اللي بالمواتر يثيري...
منصاه منهو منبع الجود مبداه...
علمه يباري للغمام المطيِري...
الشيخ كساب الثناء في مزياه...
منيف ذكره ب الكساير جبيري...
منيف ي سقم العدا ب المثاراه...
منيف ي ريح النفل والعبيري...
حرً تسلسل من مواكير علياه...
انا اشهد انه بالمواقف اميري...
النادر اللي تبذل الطيب يمناه...
يستاهل الممدوح مدحً غزيري...
من روس شملان الشرف والمباهاه...
قومً تعز الجالي المستجيري...
ي مكرمين الضيف ي عالي الجاه...
ي السيف الاشرم لا ادلهم الغبيري...
واللي حواه القلب الحرف عرّاه...
من زود ماني في مديحك احيري...


#راعي_الحيزا