مساجلة : الشاعر محمد بن نايف الخطيمي والشاعر خالد العريفي

بدر بن دهام  اهداء/ لك ي بونايف : قصيده

(( كل العرافا ))


گل العرافا ي بونايف قريبين
بـ قلوبنا لو المسافه // بعيده

وكل العرافا بالمكارم وفيين
كلمة وفا ماهي بكلمه // جديده

غالين ي ذيب الرياجيل غالين
من راس عودٍ جيت زود ابرصيده

ترا الغلا والقدر في محجر العين
لصفوه بني عمي بديده // بديده

وانتم اظلال اللي له بدفتري دين
ابو سعد رمز ( الادب والقصيده )

شيخ على طاريه ترزم ميادين
بيده لوا (هبس) الحروف الفريده

شاعر بني خالد على العسر واللين
وذرب العلوم اللي حفظها .. بريده

سمح المحيا ريف طلق الحجاجين
وافي بمعانيّه .. وضافي بجيده

وانتم على ممشاه وافين وافين
مامنكم اقصورٍ لو انه ( فقيده )

يبطي غلاكم ي بونايف له سنين
ي ولد عمي جاك علم // الوليده .


اخوك : محمد بن نايف الخطيمي
"
الرد
اشكرك يا بو نايف .. وارجو قبول هذه الابيات المتواضعة اتمنى تحوز على اعجابك
(يانعم ابو نايف)

نـعـمٍ لـبـو نـايـف يكـرر مـلايـيـن
نسل الخطيمي بالـمـعزة يـزيـده

حرٍ تسلسل من مواكر شـياهيـن
يصيد مـاينـصاد جـزلٍ مـصيـدة

ترثة حمود الشيخ بالعسر والليـن
كـف الندىٰ تلقى صحـونه مديـده

ابـوعـوض يالـيت من مـثلـه ألـفين
من غـير قاصر بالـعيال وحـفـيده

ابو عـوض عــساه بـالخلـد..آمين
في جـنة الـفـردوس يلـقىٰ وعـيده

لـو الخطامـا بالـمسافـة بعـيـدين
في قلبي اقـرب من وريـد لوريـده

على الوفى والطيب قـومٍ مـظـرين
والـمرجله معها الـمزايا الحمـيده

ياطـيبهم طـيباه مـبطي وذلـحيـن
اشهـد بهـذا والـعــوارف شهـيـده

يانعم هبس وبالخطاما الـمسمين
الـجد خـالـد والـقـبـيـلـة مـجـيـدة

ان جا نهارٍ فيه خوض الـمياديـن
خـلـو مـياديـن الـمـعـادي وقـيـدة

اخوك/ خالد العريفي