العقد النادر / للشاعر خلف عثمان الضويحي

زيد القصير  #شعراء_بني_خالد ( العقد النادر )

لاتقول احبك دون وصل ومواصيل
بعض الكلام طعون مثل المسبّه

ان كان ماترضى علي البهاديل
قرب ترا جرح الزمن فيك طبّه

يانسمة الصبح المزكى مع الهيل
ياعقد نادر صانعه قد تعبّه

يافرحتي ياضحكتي لقبل الليل
ياوردتن فاحت مع ادنات هبّه

انتي الزهر وانا لك المي تكميل
وترا المُكمل لا حشا بعد ربّه

ياما ذكرتك بالفرح والغرابيل
وياما سهرتك والحشاء فيه شبّه

شف عاشقك واقف على العز ميميل
رغم السنين اللي مضت في مطبّه

مامل من وقته ولا راد تبديل
مرتاح دام ان الغلا في مصبّه

يذكرك دايم بالشعر والمواويل
وسط الخيال تخالط اللي كتبّه

حبي لك اكبر من حكايه وتمثيل
وحبي ترا في عالم الحب قبّه

نهج الهوا صافي ميحتاج تعليل
وكل القلوب الطيبه تنجذبّه

وانا مع النهج الموضح ابا اخيل
لني على المحبوب دايم اشبّه

كنى سوى نمشي مثل باقي الجيل
وقعت انا واضن دربه لعبّه

بذكّره موقف حصل بالتساهيل
يومه يجي والهم يمي يكبّه

يومه يقول الوقت ذوقني الويل
ويومي اداوي علته وانتصبّه

يشهد على حبي كثير الرجاجيل
حيث القصايد دايمن تنطربّه

اهواه واتمنى لقى مهرة الخيل
واحلف قسم بالله كلي احبّه

ماقد رخصته يشهد الليل وسهيل
يسري علي طيفه يجي وانتهضبّه

محفوظ قدره مرتفع داخلي حيل
شيد قصوره والهواء فيه ضبّه

بس المحبه دون وصل ومواصيل
كنها مثل قولن يجيب المسبّه

#خلف_عثمان_الخالدي