الشاعر : تيسير الدرعان الخالدي

بدر بن دهام  هذه الابيات تقل عما يستحقه المذكورين لما لقيته من طيب لقاء وكرم وحفاوه وتقدير من قبل اخي /فايز حمد الشمري ونسيبه العم/ محمد الدرعان الخالدي (ابونوفل) الذي تشرفت بمعرفته ومعرفة ابناءه الكرام في الجوف
...........
...........
يابو سعود الشمري يا احمر العين
يابو الحجاج الطلق ياذرب الايمان

مواري اهل الطيب بالفطره تبين
وشمر سنان الطيب في كل ميدان

واكبر فخر هو عرفنا بالسلاطين
اهل العلوم الطايلات ال درعان

خوالد (ن) لي لدت العين بالعين
يركع لهم من سلطته كل سلطان

انا اشهد انهم للمواجيب شفقين
وانهم مشايخ عرف وسلوم واعيان

وعز الله ان سعود يدحم بجنبين
معنز بضلعين بالعزه سمان

ابيه من شمر كعام المعادين
وخواله لكسب النواميس شجعان

واسلم ويسلم راس شيخ الدراعين
ومجدي بعد يسلم ولاهان الاخوان

ول راس ابو سلمى من الراس بيتين
اقولها من قلب واحساس ولسان

فالجوف من ضاعت عليه العناوين
ينصى سليل الجود ينصى كحيلان

تيسير واسمه من فعول ايده يزين
على الجميل يحث في السير طربان

الشاعر: فواز صالح حوف اليامي
السعوديه - نجران

===========

الرد على شاعر طلق السان مثل فواز صالح ال زمانان اليامي امر مهو سهل الله يجملنا بالكلام الوافي
..........
..........

اصعب بيوت الشعر رد الميامين
لو كانت الطرقه قوافي على اوزان

يايام يايام العرب ياعظيمين
ياكبر من ازحول المجره والاكوان

حنا على عرف الرجال الشريفين
نتعب ونرقى ياجودي كل مابان

وانتم على كسب المراجل حريصين
متاورثين الطيب سرحان سرحان

لو جيت اببحث بالفضا يسار ويمين
وانقا ضيوفي بالتواصف والالوان

ماجان مثلك يافصيل العديمين
واخير من سير علينا (الزمانان)

فواز والعالم حرار وشياهين
وانت العقاب اللي ينومس وكسبان

ربعك ملبست المراجل قوانين
وصغيركم كساب لطوله حصان

صبيان يام مداويه للمجانيين
صعوط وكعام ودواء كل بطران

وانا وربعي فدوتن لطليقين
معهم لكسب الخير جندن وميدان

يامرحبا مليون وعشرة ملايين
من ضافنا يكسب جميله وعرفان

يكسب بنا معروف كسب الكريمين
راعي محل ماهوب ضِيفه وضِيفان


:تيسير محمد الدرعان الخالدي
السعوديه - الجوف - سكاكا
1437/3/6