على بحور الشعر : للشاعر خالد الدليهي الخالدي

 على بحور الشعر أصل وجوده
أقدح و أدك أدروبه المسدوده
أليا نويت القاف ما يعسرني
أعسف أنا قافي وأعرف أحدوده

أبني و أصخخر لا تكييف فكري
في خايعن قفرن يهبهب نوده

أنظم وأميز فكرتي في معنى
معنآ جزيل و لا بها منقوده

الجزل أصيده والضعاف أتركها
شررد المعاني عندنا مصيوده

وأليا بغيت أدخل ابمعنى قصدي
معناي للفاهم سهل مقصوده

وألا الغبي لووك أتفسر قولي
الصادره عميا معى المارووده

يافاهم أفهم مقصدي وامرادي
البرق يبرق والدوي برعوده

غيمن نشا من شرق ماهو وسمي
صيفن على شبه الجزيره نوده

حتيش لو سال الشعيب الطامي
دهر دهر ما ينغزى لعدوده

نبته يضر و ريحته مكرووهه
ريحت زفر تفرق عن الكنبوده

لا طال عشبه عشبنا ما ينبت
أتقول قيعان العرب مجحوده

لا بد ما نلحق ونقطع عرقه
نقطع أعروقه قبل يكبر عوده

و الا ترى بيضرنا أنتاجه
والميته ما ردها للحووده

يالله بمانك يالولي سبحانك
تستر على قيعاننا المحسوده

و أنك اتكافينا شرور الدنيا
يالواحد اللي جودنا من جوده


خالد الدليهي الخالدي....