سلام الله على العادات والاعراف: للشاعر محمد العويضه

بدر بن دهام  #شعراء_بني_خالد
سلام الله على . العادات والاعراف
اذا صارت بتالي الوقت .. غلّابه

خذتنا للأسف بـ (شراعٍ وْمجداف)
ومن عنده حلم ! ضاقت به ثْيابه

وانا لاضاقت الدنيا ، خذيت لْحاف
...أمانه / هو من تْسبب بترحابه

حبيبة عمري اللي جاي واللي طاف
من الوحده عيوني . حيل مرتابه

احبك . وان كرهتك / ماقدرت آعاف
اجي لك طفل .. يتعذّر بـ العابه

فمان الله . وإنتي ماعليك خلاف
.... لو إنا نختلف . بنظل نتشابه (تعصفرتي) وصرت اشوف لك رفراف
،. وقررت احضنك .. واصير لك "غابه"

تربّعتي وقلتي : طوف ياطوّاف
... ومن حينه / لك الله كلي كْتابه

مـ به طرقٍ مـ مريته ، ولابه قاف
.. اصيب الوزن واتكسّر من اسبابه

انا من يوم حبيتك / بديت آخاف
.... مدام الفقد قادر يغرس انيابه

اغيب وكنّي بْـ جنبك / ولك شوّاف
... ابتغدّا وصـالك ، وآتعشى به

لو إني دايم آسافر مـ ني عوّاف
من يْقول : اعشقه والا آتهنّى به ؟

آسافر وآخذك / لــ العدل والآنصاف
واقول لْـ كل غيبه " ماهي طْلابه "! معي عطرك . واسامر وجهك الشفّاف
.... انا اللي غيبته ماتاخذ احبابه ..! - محمد العويضه