#جاش #القصيد واصبح بك #القاف #هويان #للشاعر #ممدوح #الخالدي.

جابر الضويحي. بديت وقبل ابدا بسم الله الرحمان
ربًً ن يعيد الكون .....وقادر يبيده
يعلم مقادير الانس ومايخفي له الجان
ربًً ن تعلى وامر المخاليق بيده
مالك تجر الظيم ياخوك ..حيران
عايش وداله والاماني ...بعيده
لاه....يانديبي وان تماديت حوران
فرخًً ن وحش يم المعالي تريده
نعم القرابه والشعر ياصاحبي زان
صيتًً ن تمرجح يم السراحين صيده
عواد ياقافًًً ن تثاقل .....بالااوزان
واسماء معاني هالحوار وقصيده
جاش القصيد واصبح بك القاف هويان
كنه يقول ابدع ...........على ماتريده
ياصاحبي وقت المدح حان بك حان
شدت رياح اهل الوفاء والحميده
عواد لانادو مع الفجر.......دخان
ضجت مصاقيعه تبي من يجيده
هاك الغلا...وزود الغلا ورد بستان
فاحت طيوفه اهل المراجل رصيده
حذراك لاتبني ترا...الحزن جدران
ميه هماج وتالي .. قراحه عصيده
هاذي نصيحه اليا تعراك شيطان
وشرواك يفهم مايبي ...من يفيده
امش الوعر وان كان تبغاها ليان
اضرب صخورالكد ..تهنى مكيده
بكره يزين الحال وتضحك للاوجان
وتبني قصور العز..وتجني حصيده
قاعًً بذره الطيب ..وغطاها الاحزان
وليلًً ن دفاه البعد وناره ....جميده
ذكرى يابو طايف عساها بنسيان
تصبح روايه جيل وقصه جديده
انا عضيدك واليا ارتخى كل خوان
تكفى طلبتك هاذا الحزن مانريده
اصبر ياخوك ايام وماضي وماكان
لاترتخي واجعل ......عزومك عنيده
وشينًً يجي من غير صبرًً ن وسلوان
والله يصعب والمماشي ....بعيده
وان كانها غربه وحنينًً ن للاوطان
ربك رحيم اليا نوى رحمه بعبيده
غربه وضيق ومفارق .........وبعدان
وادري بعد حسره بلاها .....تزيده
صبرك على الدنيا ترا خير برهان
وحذراك لا تشرب بقايا ....وريده
ياصاحبي لو طال صبرك ومابان
وجف القلم وازكى المأسي و كيده
اعرف ترا عقب البطى سيل غدران
صبًً ن شديد وامطار سحبه عتيده

#ممدوح_الخالدي